المجلة الفنية أول مجلة فنية إلكترونية مغربية متخصصة
عرفها الجمهور من خلال سيتكوم” لوبيرج “الفنانة الشابة ريم فتحي الموهبة التي دخلت قلوب المغاربة بعفويتها و بساطتها من هي ريم فتحي و ما هو جديدها .
شكون هي ريم فتحي ؟
–
ريم 19 سنة بديت المسرح و انا عمري 13 سنة كنت تناخد دورات في ورشة لاحد خريجي المعهد العالي للفن المسرحي و اشتغلت في مسرحية مع استاد عزيز فلاح
–الجمهور عرفك في سلسلة لوبيرج واش هدا كان اول عمل ليك ف التلفزة ؟
لا خدمت في مسلسل( الف ليلة و ليلة) مع المخرج انور معتصم سلسلة( كايرو بلانكا) مسلسل (نعام للا) مع المخرج زكريا الطاهري فلم( فوليبليس) للمخرج فوزي بن سعيدي
–هاد رمضان مشفناكش بزاف ؟
لا عملت في سلسلة ساكن و المسكون و صورت فلم تلفزي لقناة 2m من اخراج عبد سلام الكلاعي ثم فلم طويل باسم ( nomades de olivier cousmaq)وفلم تلفزي (هوا يا هوا) للمخرج شوقي العوفير ) و خدمت في فلم قصير ديال محسن نضيفي بعنوان (اريديس
– كفنانة شابة شنو ايجابيات المهنة بالنسبة ليك ؟
صراحة تعلمت بزاف من بلاطو تصوير كل عمل جديد تنكتسب فيه حاجة جديدة و كل مخرج و طريقتو و كل عمل تنكتسب فيه مهارات جديدة و بحكم المهنة تعرفت عل ناس جداد
–و شنو هيا سلبيات المجال الي تتعاني منها ريم ؟
كان صعب عليا نوفق بين الدراسة و العمل خصوصا كانت عندي امتحانات الباكالوريا و فنفس الوقت اربع اعمال فنية لكن الحمد لله قدرت نتوفق في الاخير
–تتفكري تابعي دراستك في المجال الفني ؟
اكيد حاليا بعد الباكالوريا تنفكر ندرس تمثيل و عندي رغبة كبيرة نتابع دراستي العليا في مجال الاخراج و نتخصص فيه
–شنو جديدك الفني ؟
خدمت مسلسل مع 2m غادي تشوفوه قريبا و عندي عروض تنحاول ندرسها قبل
–كلمة اخيرة للناس الي كتابعك ؟
شكرا بزاف عل دعم ديالكم قبلاتي للجميع و شكرا لك و لمجلة “الفنية”
