المجلة الفنية أول مجلة فنية إلكترونية مغربية متخصصة
سلسلة “الفاهم و الدمدومة ” تفوز ب (moroccan youtubers awards)
التقينا احد ابطالها “زياد الفاضلي” الذي تينتمي لعائلة فنية كبيرة و الذي عرفه الناس من خلال الصوت ديالو في مسلسل سامحيني فدور “قصي” ثم في دور “اياد” حاليا
-شكون هو زياد الفاضلي ؟
زياد فنان مغربي كبر في عائلة فنية بديت الفن في مسرح الطفل كعرائسي (ماريونيتيست) من بعد اشتغلت في عدة افلام قصيرة و اتجهت بعدها لمجال الاخراج بالموازاة مع الدراسة ، بعد ذلك بدات تجربة الدبلجة فاشتغلت في العديد من المسلسلات و اخيرا جات فكرة سلسلة الفاهم و الدمدومة
-السلسلة نجحات في يوتيوب علاش مشفناهاش على التلفزة ؟
اكيد فكرنا فهاد المسالة المهمة لكن كيف تتعرف من بين الشروط لازم تكون شركة انتاج التي تؤمن بالمشروع و تتكلف بيه وحنا تسنينا شي حد يامن بينا و يتبنا الفكرة لكن مزال ما بان والو
– شكون فيكم تيكتب و شكون تيعمل الاخراج ؟
العمل جماعي يعني تنتقاسمو الكتابة و الاخراج نقدرو نقولو إبداع مشترك تاتجي الفكرة تانخدمو عليها بزوج و كل واحد فينا عندو لمسة ديالو الخاصة
شنو جديدك في مجال الدبلجة؟
بعد شخصية “قصي” في مسلسل سامحيني كاندبلج حاليا صوت “اياد” اللي غير مجريات الاحداث في هاد المسلسل لي ولفوه المغاربة
شنو تبغي تقول للناس؟
شكرا لكم على التشجيع و تسناو الموسم الثالت من “الفاهم و الدمدومة” و مبروك عواشركوم ، عيد أضحى مبارك
